Loading

1/19/2017

Ifafalelie

Cyrtanthus mackenii var. mackenii

Die ifafalelie is deel van ’n genus inheemse bolplante wat algemeen bekend staan as vuurlelies. Hulle het laasgenoemde naam gekry omdat sekeres blom na veldbrande.

Die ifafalelie het ivoorkleurige blomme wat baie lekker ruik, maar die genus se blomkleure wissel van skakerings van rooi, oranje, geel en ivoor. Die kleinrooipypie (Cyrtanthus parviflorus) se blomme is rooi, maar geurloos.

Die ifafalelie se bloeistele is sowat 300 mm lank, maar ander soorte se bloeistele word tot 600 mm lank.

Die ifafalelie kom vooraan die suidkus van KwaZulu-Natal. Vuurlelies is inheems aan KwaZulu-Natal en die Oos-Kaap.

12/20/2016

Groentetuin help gemeenskap

12/06/2016

Potte met pote

Plaas jou buitenshuise potte op “pote” van klippies of halwe bakstene. Dit sorg vir beter dreinering en sit miere af wat dalk in jou pot wil nesmaak. ’n Verdere voordeel is dat wortels wat deur die gate onder in die pot groei sal verdor en afbreek.

11/30/2016

Basterkobas

Cyphostemma juttae

Die basterkobas is ’n klein boompie. Dit het ’n massiewe stam met spreidende takke aan die bokant. Dit is eintlik mooi van lelikheid.

Die blomme verskyn vroeg in die somer en is ook niks om na te kyk nie, maar die vruggies wat later verskyn is baie mooi, eers rooi en dan pers.

Die basterkobas kom natuurlik voor in Namibië.



(foto: Andrew Massyn)

11/25/2016

Kiepersol

Cussonia spicata

Die kiepersol is lid van ’n genus bome inheems in Suidelike Afrika en die nabygeleë eilande in die Indiese Oseaan.

Dit is ’n vinnig groeiende boom wat 3 tot 10 meter hoog kan word. Die boom is gewild weens die aanskoulike loof.

Die boom het groenerige blomme wat saamdring en soos ’n kandelaar lyk. Dit blomme verskyn in die somer.