10/12/2017

Grasklokkie

Dierama pendulum

Hierdie fyn, hangende blomklokkies word gedra aan lang, dun, grasagtige stingels wat buig onder die gewig van die blomme.

Die grasklokkie kom natuurlik voor in die bergagtige dele van die Oos-Kaap. Dit is ’n meerjarige, immergroen knolplant wat tot 1 meter hoog word. Die pienk of ligpers blomme verskyn in die lente en vroeë somer.

Grasklokkies groei in ryk, vogtige grond in halfskadu met volop lugbeweging om hulle. Jy moet hierdie toestande moet jy in jou tuin probeer namaak. Moet hulle nie versteur as hulle eers goed groei nie.

8/17/2017

Raad met rankplante

Die belangrikheid van rankpplante moet nie onderskat word nie. Dit gee vertikale lyne in jou tuin, verskaf kleur van onder na bo en gee skaduwee daar waar dit benodig word.

7/13/2017

Perdebos

Didelta spinosa

Die perdebos is ’n regop struik wat tot 2 meter hoog word. Die struik groei wild in die Namakwaland.

Die blare is heldergroen en tot 70 mm lank.

Die blomme wissel van geel tot oranje en is tot 70 mm in deursnee. Die blomme verskyn in die vroeë lente.

(foto: Winfried Bruenken)

4/10/2017

Seegousblom / Duinegousblom / Perdeblom

Didelta carnosa

Perdeblomme groei wild in die Wes-Kaap en Namakwaland. Dié meerjarige plante met groen blare word tot 1 meter hoog.

Die geel madeliefieblomme verskyn in die laatlente en somer.


(foto Andrew Massyn)

4/07/2017

Hoe om 'n tuinboog te maak

Tuinghoeroe Willie, is weer besig in sy tuin buite Stellenbosch. Dié keer wys hy hoe jy 'n tuinboog kan maak en versier met ou tuingereedskap.

3/30/2017

Maagwortel / Jakkalsbos

Dicoma zeyheri

Interessant dat hierdie genus kruidagtige meerjariges omtrent oral in Suid-Afrika voorkom, behalwe in die Suidwes-Kaap. Daar is 25 soorte wat verspreid oor die land voorkom.

Die jakkalsbos is ’n klein weergawe van die genus en word net so 300 mm hoog. Jy sal die plant vind in die noordelike deel van Suid-Afrika en KwaZulu-Natal.

Die distelagtige blomkoppe verskyn in die somer. Die blom se silwerkleurige, stekerige blare wat dit gesog maak onder blommerangskikkers.