7/14/2014

Huilbos / unSehle

Peltophorum africanum

Die huilbos lyk baie soos ’n akasia, behalwe dat dit nie dorings het nie. Dit het dieselfde veervormige blare. Die boom het ’n donker bas en die dunner takkies word deur rooierige hare bedek. Die kort plat blompeule is ongeveer 6 cm lank en 2 cm breed.

Die boom kry sy naam van water wat soms in die vroeë lente van die takke van sommige bome afdrup. Dit word veroorsaak deur insekte wat sap uit die boom suig en dan groot bolle skuim afgee met water.

Die boom kom natuurlik voor in die Bosveld, KwaZulu-Natal, Swaziland, Botswana, Namibië en Angola. Dit is bladwisselend en blom vanaf September tot Desember.



(foto B. Attard)

No comments :

Post a Comment