Soek deur GroenVingers

1/27/2022

Plante kan jou werklewe verbeter

'n Studie van die Universiteit van Hyogo in Awaji, Japan, beskryf die voordele van selfs klein plantjies vir kantoorwerkers.

Stresvermindering in die werkplek is ’n dringende kwessie in die moderne samelewing. Alhoewel daar algemeen aanvaar word dat plante strelend is vir diegene wat nodig het om stresvolle situasies die hoof te bied, verifieer hierdie studie die mate van sielkundige en fisiologiese impak van binnenshuise plante. Eerder as om eksperimente in ’n laboratorium-omgewing uit te voer, het die navorsers stresvermindering op werknemers in werklike kantore gemeet.

Sake-eienaars behoort kennis te neem dat klein binnenshuise plante ekonomies en nuttig is wanneer jy die werksomgewing wil verbeter vir werknemers.

Die navorsing is gepubliseer in die joernaal HortTechnology.



(foto: Masahiro Toyoda)

1/20/2022

Natalgeelhout / Henkelgeelhout

Podocarpus henkelii

In die natuur word die Natalgeelhout tot 20 meter hoog. In die tuin is hulle egter klein.

Die bome kom voor in KwaZulu-Natal, die Oos-Kaap en die noorde van Suid-Afrika.

1/13/2022

Kalander / Outeniekwageelhout

Podocarpus falcatus

In die natuur groei hierdie immergroen bome in diep, ryk grond. Dit word 20 meter of hoër in die tuin.


’n Geelhoutboom (outeniekwageelhout) in Hoekwil, Suid-Afrika, wat sowat 800 jaar oud is, met ’n omtrek van 12 m en ’n hoogte van 33 m.

1/06/2022

Keur / Ertjiebos

Podalyria calyptrate

Die ertjiebos is ’n groot struik wat tot 2 meter hoog raak. Indien jy dit sny om ’n boom te vorm kan dit tot 4 meter hoog groei.

Die blare is grysgroen en die blomme pienk tot ligpers. Die blomme verskyn in die laatwinter en lente.

12/30/2021

Stoepjakaranda

Plectranthus saccatus

Die stoepjakaranda is ’n klein struikie wat ’n uitstekende dekplant is. Dit het klein liggroen blare met pers blomme wat in die somer verskyn.

Die stoepjakaranda kom voor in die Oos-Kaap en KwaZulu-Natal.

12/23/2021

Veerkoppie

Phylica plumose
Die veerkoppie is ’n immergroen struik wat in die Suidwes-Kaap voorkom. Die plant blom in die winter met groot, veeragtige, groengeel blomhofies.